ជូនចំពោះជនបរទេសទាំងអស់ដែលចង់ទៅធ្វើការនៅប្រទេសជប៉ុន នៅពេលដែលធ្វើការក្នុងវិស័យមើលថែទាំ អ្នកនឹងទទួលបានអត្ថប្រយោជន៍ជាច្រើន។ អ្នកអាចបង្កើតអាជីពដែលសាកសមនឹងអ្នក ដោយ ទាញយកអត្ថប្រយោជន៍ពីប្រព័ន្ធនៃការស្នាក់នៅប្រទេសជប៉ុនផ្សេងៗជាច្រើន។ នៅក្នុងអត្ថបទនេះនឹងមានការពន្យល់លម្អិតអំពីលក្ខណៈពិសេសនៃប្រព័ន្ធនីមួយៗ ដូចជា EPA ការអនុញ្ញាតឱ្យស្នាក់នៅប្រទេស ជប៉ុន “មើលថែទាំ” ការហ្វឹកហ្វឺនជំនាញ និងជំនាញពិសេស។ សូមប្រើអត្ថបទនេះជាឯកសារយោងសម្រាប់ ការបោះជំហានដំបូងក្នុងអាជីពថ្មីរបស់អ្នកនៅប្រទេសជប៉ុន។ យើងខ្ញុំនឹងប្រឹងប្រែងឱ្យអស់ពីសមត្ថភាព ដើម្បីជួយគាំទ្រភាពជោគជ័យរបស់អ្នក។
Contents:
១. EPA
“សង្ខេប”
គឺជាប្រព័ន្ធសម្រាប់បេក្ខជនជំនាញផ្នែកមើលថែទាំ/សុខុមាលភាពដែលមកពីប្រទេសផ្សេងៗ ដែលបានកំណត់ (ប្រទេសឥណ្ឌូនេស៊ី ហ្វីលីពីន វៀតណាម) ដោយផ្អែកតាមកិច្ចព្រមព្រៀងភាពជាដៃគូសេដ្ឋកិច្ច (EPA)។ អ្នកនឹងចូលរួមក្នុងការបណ្តុះបណ្តាល និងធ្វើការនៅកន្លែងទទួលពលករជំនាញបរទេស ក្នុងគោលបំណងដើម្បីទទួលបានការទទួលស្គាល់នូវការមើលថែទាំ/សុខុមាលភាពដែលជាគុណវុឌ្ឍិជាតិ។
“លក្ខណៈពិសេស”
ប្រសិនបើអ្នកជាប់ការប្រលងថ្នាក់ជាតិ អ្នកនឹងអាចធ្វើការនៅប្រទេសជប៉ុនក្នុងនាមជាអ្នកដែលមានការទទួលស្គាល់នូវការមើលថែទាំ/សុខុមាលភាព។
២. ការអនុញ្ញាតឱ្យស្នាក់នៅប្រទេសជប៉ុន “មើលថែទាំ”
“សង្ខេប”
គឺជាប្រព័ន្ធដែលផ្តល់ការអនុញ្ញាតឱ្យស្នាក់នៅប្រទេសជប៉ុន ដែលបានផ្តល់ឱ្យជនបរទេសដែលបានទទួលគុណវុឌ្ឍិជាការទទួលស្គាល់នូវការមើលថែទាំ/សុខុមាលភាព។ តាមរយៈការទទួលបាននូវការអនុញ្ញាតឱ្យស្នាក់នៅប្រទេសជប៉ុន “មើលថែទាំ” អ្នកអាចនាំក្រុមគ្រួសាររបស់អ្នកមកបាន ហើយមិនមានកំណត់ ចំនួនដងនៃការបន្តនូវការអនុញ្ញាតឱ្យស្នាក់នៅប្រទេសជប៉ុនឡើយ។
“លក្ខណៈពិសេស”
ត្រូវតែជាប់ការប្រឡងថ្នាក់ជាតិ ដើម្បីទទួលបានការទទួលស្គាល់នូវការមើលថែទាំ/សុខុមាលភាព ហើយត្រូវមានសមត្ថភាពភាសាជប៉ុនផងដែរ។ អ្នកដែលមានបំណងប្រកបអាជីពរយៈពេលវែងក្នុងវិស័យ មើលថែទាំ មានច្រើន។
៣. ការហ្វឹកហ្វឺនជំនាញ
“សង្ខេប”
គឺជាប្រព័ន្ធដែលមានគោលបំណងដើម្បីរៀន និងទទួលបានជំនាញក្នុងវិស័យមើលថែទាំ តាមរយៈប្រព័ន្ធ បណ្តុះបណ្តាលការហ្វឹកហ្វឺនជំនាញ។ ជាគោលការណ៍ អ្នកនឹងត្រឡប់ទៅប្រទេសកំណើតវិញក្រោយពីបានធ្វើកម្មសិក្សានៅក្នុងរយៈពេលជាក់លាក់មួយ។
“លក្ខណៈពិសេស”
ក្នុងអំឡុងពេលធ្វើកម្មសិក្សា ដោយសារតែអ្នកនឹងធ្វើការតាមគ្រូបង្ហាត់ ដូច្នេះ អ្នកនឹងអាចទទួលបាន បទពិសោធន៍ជាច្រើន។ ប្រសិនបើអ្នកបំពេញនឹងលក្ខខណ្ឌណាមួយ ដូច្នេះ អ្នកក៏អាចប្រែក្លាយទៅជាជំនាញពិសេស ហើយអាចធ្វើការក្នុងរយៈពេលយូរ។
៤. ជំនាញពិសេស
“សង្ខេប”
គឺជាការអនុញ្ញាតឱ្យស្នាក់នៅប្រទេសជប៉ុន ដែលត្រូវបានផ្តល់ឱ្យជនបរទេសដែលមានជំនាញជាក់លាក់។ពលករជំនាញលេខ ១ អាចស្នាក់នៅប្រទេសជប៉ុនបានរហូតដល់៥ឆ្នាំ។
“លក្ខណៈពិសេស”
ប្រព័ន្ធជំនាញពិសេស គឺសម្រាប់អ្នកដែលបានជាប់ការប្រឡងជំនាញពិសេស និងអ្នកដែលបានបញ្ចប់ការហ្វឹកហ្វឺនជំនាញ ។
នៅក្នុងអំឡុងពេលនៃការស្នាក់នៅប្រទេសជប៉ុន ដើម្បី ៣.ការហ្វឹកហ្វឺនជំនាញ និង ៤.ជំនាញពិសេស អ្នកនឹងមានបំណងចង់ទទួលបាននូវគុណវឌ្ឍិជាតិជាការទទួលស្គាល់នូវការមើលថែទាំ/សុខុមាលភាព។ នៅពេលដែលអ្នកទទួលបានលក្ខណៈសម្បត្តិនៃការអនុញ្ញាតឱ្យស្នាក់នៅប្រទេសជប៉ុន ក្រោមការអនុញ្ញាត ឱ្យស្នាក់នៅប្រទេសជប៉ុន “មើលថែទាំ” ក្នុងនាមជាអ្នកដែលមានការទទួលស្គាល់នូវការមើលថែទាំ/សុខុមាលភាព អ្នកនឹងអាចនាំគ្រួសាររបស់អ្នកមកជាមួយ ហើយអ្នកអាចរំពឹងថានឹងធ្វើការក្នុងរយៈពេលយូរ។
ស្ថានភាពបច្ចុប្បន្ន និងនិន្នាការ
គិតត្រឹមដំណាច់ខែធ្នូ ឆ្នាំ២០២២ ធនធានមនុស្សផ្នែកមើលថែទាំជាជនបរទេសប្រមាណ ៤០.០០០នាក់ កំពុងតែធ្វើការនៅក្នុងប្រទេសជប៉ុន ហើយបើយោងតាមឯកសារដែលចេញផ្សាយដោយការិយាល័យ អន្តោប្រវេសន៍ គិតត្រឹមចុងខែសីហា ឆ្នាំ២០២៤ ចំនួន “ជំនាញពិសេស” បានកើនឡើងដល់ ៣៩.០១១នាក់។ ចំនួនតួលេខទាំងនេះមិនបានរាប់បញ្ចូលនូវជនបរទេសដែលមានការអនុញ្ញាតឱ្យស្នាក់នៅប្រទេសជប៉ុនផ្សេងទៀតឡើយ (អ្នករស់នៅអចិន្ត្រៃយ៍ ឬ សហព័ទ្ធជាសញ្ជាតិជប៉ុនជាដើម)។ ប្រសិនបើ រាប់បញ្ចូលអ្នកទាំងនេះ ធនធានមនុស្សផ្នែកមើលថែទាំជាជនបរទេសដែលកំពុងតែធ្វើការនៅប្រទេស ជប៉ុននឹងមានកាន់តែច្រើន។
ប្រទេសជប៉ុនគឺ ជាប្រទេសមួយក្នុងចំណោមប្រទេសដែលមានមនុស្សចាស់ច្រើនបំផុត ហើយតម្រូវការ នៃសេវាកម្មមើលថែទាំកំពុងកើនឡើងពីមួយឆ្នាំទៅមួយឆ្នាំ។ ដោយសារស្ថានភាពនៃមនុស្សចាស់កំពុងតែបន្តកើនកាន់តែច្រើន បើផ្អែកតាមការអង្កេតរបស់ក្រសួងសុខាភិបាល ការងារ និងសុខុមាលភាពបានលើកឡើងថា នឹងមានតម្រូវការនូវបុគ្គលិកមើលថែទាំប្រហែល ២.៤៥០.០០០នាក់ នៅចុងឆ្នាំ២០២៥។ ដោយសារតែតម្រូវការនៃការងារមើលថែទាំនឹងបន្តកើនឡើងជាបន្តបន្ទាប់នាពេលអនាគត ដូច្នេះ ស្ទើរតែគ្មាននូវការពិបាកឡើយនៅក្នុងការស្វែងរកការងារ។
