អ្វីជាជំងឺភ្លេចភ្លាំង?

ជំងឺភ្លេចភ្លាំងជាអ្វី? ជាជំងឺឬយ៉ាងណា?

វាកើតឡើងដោយសារការធ្លាក់ចុះនៃមុខងារយល់ដឹង ដែលបណ្ដាលមកពីមូលហេតុផ្សេងៗដូចជា ជំងឺ ឬភាពរាំងស្ទះនៃដំណើរការខួរក្បាលជាដើម។ វាធ្វើឱ្យមានបញ្ហាកើតឡើងនៅក្នុងគ្រប់ទិដ្ឋភាពនៃជីវភាពប្រចាំថ្ងៃ ដូចជាការចងចាំ ឬអាកប្បកិរិយា។ល។

 

តើមានអាការៈបែបណាខ្លះ?

លែងស្គាល់ឈ្មោះខ្លួនឯង លែងស្គាល់គ្រួសារ ទោះបីប្រាប់ច្រើនដងក៏ដោយ គឺភ្លេចបាត់ភ្លាមៗ។ (ភ្លេចទាំងថាបានបរិភោគអាហាររួចហើយ)

និយាយដដែលៗថាចង់ត្រឡប់ទៅផ្ទះវិញ ដើរចុះដើរឡើងនៅពេលយប់ មើលឃើញ ឬឮសំលេងអ្វីមួយដែលតាមពិតគ្មានសោះ…។ល។ គឺមានអាការៈជាច្រើនទាក់ទងនឹងការចងចាំ ឬសតិអារម្មណ៍។ ហើយអាការៈក៏ខុសប្លែកគ្នាតាមមនុស្សផងដែរ។

 

តើអាចព្យាបាលបានឬទេ?

គេអាចប្រើថ្នាំពន្យឺតល្បឿនវិវត្តនៃជំងឺនេះ ប៉ុន្តែវាពិបាកក្នុងការព្យាបាលឱ្យសះស្បើយទាំងស្រុងណាស់។ គឺចាំបាច់ត្រូវដោះស្រាយសម្របទៅតាមអាការៈរោគរបស់អ្នកជំងឺម្នាក់ៗ។

 

តើត្រូវដោះស្រាយយ៉ាងណាទើបល្អ?

ប្រសិនបើវាជាលើកដំបូងដែលអ្នកឃើញមនុស្សចាស់សួរសំណួរដដែលៗម្ដងហើយម្ដងទៀត ឬដើរចុះដើរឡើងនៅពេលយប់ អ្នកប្រហែលជាបារម្ភអំពីវិធីដោះស្រាយ។ គឺមិនថ្វីទេ គ្រប់គ្នាសុទ្ធតែមានអារម្មណ៍បែបនេះ។ សូមសួរទៅបុគ្គលិករៀមច្បងឱ្យគាត់បង្រៀន។ វាជារឿងសំខាន់ដែលត្រូវមើលនិងរៀនសូត្រពីរបៀបដោះស្រាយដោយយកចិត្តទុកដាក់។ អ្នកនឹងស៊ាំបន្តិចម្ដងៗជាមិនខាន។